🌑 ਬੇ-ਜੁਬਾਨਾਂ ਲਈ ਵਰਦਾਨ ਬਣਿਆ ਯੋਰਕਸਨ ਕ੍ਰੀਕ ਵੈਟਰਨਰੀ ਹਸਪਤਾਲ

🌑ਐਬਟਸਫੋਰਡ (ਬੀ ਸੀ) ਕੈਨੇਡਾ ਤੋਂ ਰੋਜ਼ਾਨਾ ਖ਼ਬਰ ਦੇ ਪੱਤਰਕਾਰ ਦਵਿੰਦਰ ਕੌਰ ਦੀ ਖਾਸ ਖਬਰ

ਜਿਵੇਂ ਮਨੁੱਖੀ ਜੀਵਨ ਵਿੱਚ ਇੱਕ ਡਾਕਟਰ ਨੂੰ ਮਰੀਜ਼ ਲਈ ਕਿਸੇ ਰੱਬ ਤੋਂ ਘੱਟ ਨਹੀਂ ਮੰਨਿਆ ਜਾਂਦਾ ਹੈ ਉਵੇਂ ਹੀ ਬੇ-ਜੁਬਾਨ ਜਾਨਵਰਾਂ ਦੀ ਜ਼ਿੰਦਗੀ ਬਚਾਉਣ ਲਈ ਵੈਟਰਨਰੀ ਡਾਕਟਰ ਵੀ ਕਿਸੇ ਫਰਿਸ਼ਤੇ ਤੋਂ ਘੱਟ ਨਹੀਂ ਹਨ।

ਅਜਿਹੀ ਹੀ ਇੱਕ ਮਿਸਾਲ ਸੱਤ ਸਮੁੰਦਰੋਂ ਦੂਰ ਕੈਨੇਡਾ ਦੇ ਰਾਜ ਬ੍ਰਿਟਿਸ਼ ਕੋਲੰਬੀਆ ਵਿਖੇ ਮਿਲਦੀ ਹੈ। ਕੈਨੇਡਾ ਦੇ ਰਾਜ ਬ੍ਰਿਟਿਸ਼ ਕੋਲੰਬੀਆ ਤੋਂ 33 ਅਤੇ ਸਰੀ ਤੋਂ ਕਰੀਬ 25 ਕਿਲੋਮੀਟਰ ਦੂਰ ਲੈਂਗਲੀ ਸ਼ਹਿਰ ਵਿੱਚ ਚੱਲ ਰਿਹਾ ਯੋਰਕਸਨ ਕ੍ਰੀਕ ਵੈਟਰਨਰੀ ਹਸਪਤਾਲ ਜਾਨਵਰਾਂ ਦੀ ਲਈ ਵਰਦਾਨ ਸਾਬਤ ਹੋ ਰਿਹਾ ਹੈ।

ਇਸ ਹਸਪਤਾਲ ਦੇ ਡਾਕਟਰ ਕੰਵਲਜੀਤ ਸਿੰਘ ਬਹਿਲ ਜਾਨਵਰਾਂ ਦੀ ਬਿਹਤਰ ਸਿਹਤ ਸੰਭਾਲ ਲਈ ਸੇਵਾਵਾਂ ਮੁੱਹਈਆ ਕਰਵਾ ਰਹੇ ਹਨ। ਜਾਨਵਰਾਂ ਦੇ ਬਿਹਤਰ ਇਲਾਜ਼ ਲਈ ਯੋਰਕਸਨ ਕ੍ਰੀਕ ਵੈਟਰਨਰੀ ਹਸਪਤਾਲ ਵਿਖੇ ਮਾਹਿਰ ਡਾਕਟਰ ਦੇ ਨਾਲ-ਨਾਲ ਹਰ ਸਹੂਲਤ ਉਪਲੱਬਧ ਕਰਵਾਈ ਗਈ ਹੈ l ਜਾਨਵਰਾਂ ਦੀ ਸਾਂਭ-ਸੰਭਾਲ ਅਤੇ ਇਲਾਜ਼ ਲਈ ਆਧੁਨਿਕ ਤਕਨੀਕ ਨੂੰ ਅਪਣਾਇਆ ਹੋਇਆ ਹੈ l ਉੱਚ ਸਹੂਲਤਾਂ ਪ੍ਰਾਪਤ ਹਸਪਤਾਲ ਦੇ ਸਟਾਫ਼ ਮੈਂਬਰ ਵੀ ਉੱਚ ਯੋਗਤਾ ਪ੍ਰਾਪਤ ਹਨ।

ਡਾਕਟਰ ਕੰਵਲਜੀਤ ਸਿੰਘ ਬਹਿਲ ਨੇ ਰੋਜ਼ਾਨਾ ਖ਼ਬਰ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਹਸਪਤਾਲ ਵਿੱਚ ਰੋਜ਼ਾਨਾ ਸਰਜਰੀ ਦੇ ਰੋਜ਼ਾਨਾ ਅਨੇਕਾਂ critical ਕੇਸ ਆਉਂਦੇ ਹਨ, ਜਿਨ੍ਹਾਂ ਨੂੰ ਸਹੀ ਇਲਾਜ ਕਰ ਕੇ ਵਾਪਸ ਭੇਜ ਰਹੇ ਹਨ। ਉਨ੍ਹਾਂ ਦੱਸਿਆ ਕਿ ਇਲਾਕੇ ਦੇ ਪਾਲਤੂ ਜਾਨਵਰ ਰੱਖਣ ਦੇ ਸ਼ੌਕੀਨ ਹਸਪਤਾਲ ‘ਤੇ ਭਰੋਸਾ ਜਤਾ ਰਹੇ ਹਨ।

🌑ਦਵਿੰਦਰਜੀਤ ਕੌਰ (ਕੈਨੇਡਾ ਤੋਂ ਰੋਜ਼ਾਨਾ ਖ਼ਬਰ ਦੇ ਪੱਤਰਕਾਰ)