🌑ਜੀਐੱਸਟੀ 2.0 ਦਰਾਂ ਸੋਮਵਾਰ ਤੋਂ ਹੋਣਗੀਆਂ ਲਾਗੂ

🌑ਰਸੋਈ ਦਾ ਸਾਮਾਨ, ਦਵਾਈਆਂ, ਇਲੈਕਟ੍ਰਾਨਿਕਸ ਤੇ ਕਾਰਾਂ ਹੋਣਗੀਆਂ ਸਸਤੀਆਂ,

🌑ਸਰਕਾਰ ਦੇ ਫ਼ੈਸਲੇ ਨਾਲ 375 ਵਸਤਾਂ ’ਤੇ ਟੈਕਸ ਘੱਟਿਆ

ਜਤਿੰਦਰ ਬੈਂਸ/ਰੋਜ਼ਾਨਾ ਖ਼ਬਰ ਬਿਊਰੋ
ਚੰਡੀਗੜ੍ਹ, 21 ਸਤੰਬਰ
ਸੋਮਵਾਰ 22 ਸਤੰਬਰ ਤੋਂ ਜੀਐੱਸਟੀ 2.0 ਦਰਾਂ ਲਾਗੂ ਹੋਣ ਨਾਲ ਆਮ ਖਪਤਕਾਰਾਂ ਦੀ ਜੇਬ ’ਤੇ ਵੱਡਾ ਅਸਰ ਪਵੇਗਾ। ਕੇਂਦਰ ਤੇ ਰਾਜਾਂ ਦੀ ਸ਼ਮੂਲੀਅਤ ਵਾਲੀ ਜੀਐੱਸਟੀ ਕੌਂਸਲ ਵੱਲੋਂ ਕੀਤੇ ਫੈਸਲੇ ਮੁਤਾਬਕ ਕਰੀਬ 375 ਵਸਤਾਂ ਸਸਤੀਆਂ ਹੋਣ ਜਾ ਰਹੀਆਂ ਹਨ। ਰਸੋਈ ਦੇ ਜ਼ਰੂਰੀ ਸਾਮਾਨ ਤੋਂ ਲੈ ਕੇ ਇਲੈਕਟ੍ਰਾਨਿਕਸ, ਦਵਾਈਆਂ, ਘਰ ਬਣਾਉਣ ਵਾਲਾ ਸਮਾਨ ਤੇ ਆਟੋਮੋਬਾਈਲ ਤੱਕ ਜੀਐੱਸਟੀ ਦਰਾਂ ਘਟਾਉਣ ਨਾਲ ਲੋਕਾਂ ਨੂੰ ਤਿਉਹਾਰਾਂ ਤੋਂ ਪਹਿਲਾਂ ਵੱਡੀ ਰਾਹਤ ਮਿਲੇਗੀ।

🌑ਕੀ ਹੋਵੇਗਾ ਸਸਤਾ?
ਘਿਓ, ਪਨੀਰ, ਮੱਖਣ, ਨਮਕੀਨ, ਕੈਚੱਪ, ਜੈਮ, ਸੁੱਕੇ ਮੇਵੇ, ਕੌਫੀ, ਆਈਸ ਕਰੀਮ ਆਦਿ।
ਟੀਵੀ, ਏਸੀ, ਵਾਸ਼ਿੰਗ ਮਸ਼ੀਨ ਵਰਗੇ ਇਲੈਕਟ੍ਰਾਨਿਕਸ।
ਜ਼ਿਆਦਾਤਰ ਦਵਾਈਆਂ, ਗਲੂਕੋਮੀਟਰ ਤੇ ਡਾਇਗਨੌਸਟਿਕ ਕਿੱਟਾਂ।
ਸੀਮੈਂਟ ’ਤੇ ਟੈਕਸ 28% ਤੋਂ ਘਟਾ ਕੇ 18%।
ਛੋਟੀਆਂ ਤੇ ਵੱਡੀਆਂ ਕਾਰਾਂ ਲਈ ਟੈਕਸ ਕ੍ਰਮਵਾਰ 18% ਤੇ 28%
ਨਿੱਤ ਵਰਤੋਂ ਦੀਆਂ ਚੀਜ਼ਾਂ—ਵਾਲਾਂ ਦਾ ਤੇਲ, ਸਾਬਣ, ਸ਼ੈਂਪੂ, ਟੁੱਥਪੇਸਟ, ਟੁੱਥਬ੍ਰਸ਼, ਪਾਊਡਰ, ਸ਼ੇਵਿੰਗ ਕਰੀਮ ਆਦਿ ਹੁਣ 5% ਜੀਐੱਸਟੀ ਸਲੈਬ ਵਿੱਚ।

🌑ਸੇਵਾਵਾਂ ਵੀ ਸਸਤੀਆਂ
ਸੈਲੂਨ, ਨਾਈ, ਯੋਗਾ ਸੈਂਟਰ, ਹੈਲਥ ਕਲੱਬ ਤੇ ਫਿਟਨੈਸ ਸੇਵਾਵਾਂ ਉੱਤੇ ਹੁਣ 18% ਦੀ ਥਾਂ 5% ਟੈਕਸ ਲੱਗੇਗਾ।

🌑ਨਵਾਂ ਢਾਂਚਾ
ਜੀਐੱਸਟੀ 2.0 ਵਿੱਚ ਵਸਤਾਂ ਤੇ ਸੇਵਾਵਾਂ ਮੁੱਖ ਤੌਰ ’ਤੇ 5% ਅਤੇ 18% ਸਲੈਬ ਵਿੱਚ ਰਹਿਣਗੀਆਂ। ਲਗਜ਼ਰੀ ਵਸਤਾਂ ’ਤੇ 40% ਜਦਕਿ ਤੰਬਾਕੂ ਤੇ ਸਬੰਧਿਤ ਉਤਪਾਦਾਂ ’ਤੇ 28% ਪਲੱਸ ਸੈੱਸ ਹੀ ਲੱਗੇਗਾ।

🌑ਅਰਥਚਾਰੇ ਨੂੰ ਫਾਇਦਾ
ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਕਿਹਾ ਕਿ ਜੀਐੱਸਟੀ ਸੁਧਾਰਾਂ ਨਾਲ ਕਰੀਬ 2 ਲੱਖ ਕਰੋੜ ਰੁਪਏ ਦਾ ਨਿਵੇਸ਼ ਹੋਵੇਗਾ ਅਤੇ ਆਮ ਲੋਕਾਂ ਕੋਲ ਵਧੇਰੇ ਨਕਦੀ ਬਚੇਗੀ।