ਤਕਨਾਲੋਜੀ ਦੇ ਬਦਲਾਅ ਰੁਜ਼ਗਾਰ ਦੇ ਨਵੇਂ ਦਰਵਾਜ਼ੇ ਖੋਲ੍ਹ ਰਹੇ ਹਨ: ਇੰਜ: ਸੰਦੀਪ ਕੁਮਾਰ
ਵਿਸ਼ੇਸ਼: ਜਤਿੰਦਰ ਬੈਂਸ, ਮੁੱਖ ਸੰਪਾਦਕ (ਰੋਜ਼ਾਨਾ ਖ਼ਬਰ)
ਅੱਜ ਦੀ ਡਿਜ਼ੀਟਲ ਦੁਨੀਆ ਵਿੱਚ ਜਾਣਕਾਰੀ ਤਕਨਾਲੋਜੀ (IT) ਉਹ ਖੇਤਰ ਬਣ ਗਿਆ ਹੈ ਜੋ ਹਰ ਉਦਯੋਗ ਅਤੇ ਹਰ ਕੰਮ ਦੀ ਰੀੜ ਦੀ ਹੱਡੀ ਹੈ। CBA Infotech ਦੇ ਮੈਨੇਜਿੰਗ ਡਾਇਰੈਕਟਰ ਇੰਜਨੀਅਰ ਸੰਦੀਪ ਕੁਮਾਰ ਨੇ ਰੋਜ਼ਾਨਾ ਖ਼ਬਰ ਨਾਲ ਗੱਲਬਾਤ ਕਰਦੇ ਕਿਹਾ ਕਿ ਆਉਣ ਵਾਲੇ ਸਾਲ ਤਕਨਾਲੋਜੀ ਦੇ ਖੇਤਰ ਵਿੱਚ ਬਹੁਤ ਵੱਡੇ ਬਦਲਾਅ ਲਿਆਉਣ ਵਾਲੇ ਹੋਣਗੇ। IT ਹੁਣ ਸਿਰਫ਼ ਇੱਕ ਵਿਸ਼ਾ ਨਹੀਂ ਰਹਿ ਗਿਆ ਸਗੋਂ ਸਿੱਖਿਆ, ਹੈਲਥ, ਬੈਂਕਿੰਗ, ਖੇਤੀਬਾੜੀ, ਵਪਾਰ ਅਤੇ ਸਰਕਾਰੀ ਪ੍ਰਬੰਧਨ ਸਮੇਤ ਹਰ ਖੇਤਰ ਦੀ ਜ਼ਰੂਰਤ ਬਣ ਚੁੱਕਾ ਹੈ। ਇੰਟਰਨੈੱਟ ਦੇ ਵਾਧੇ ਅਤੇ ਤਕਨੀਕੀ ਸਹੂਲਤਾਂ ਦੇ ਫੈਲਾਅ ਨਾਲ IT ਦਾ ਸਕੋਪ ਹਰ ਦਿਨ ਵਧ ਰਿਹਾ ਹੈ।
ਸੰਦੀਪ ਕੁਮਾਰ ਨੇ ਕਿਹਾ ਕਿ ਡਿਜ਼ੀਟਲ ਇੰਡੀਆ ਨੇ ਦੇਸ਼ ਦਾ ਰੂਪ ਬਦਲ ਦਿੱਤਾ ਹੈ। ਪਿੰਡਾਂ ਤੋਂ ਸ਼ਹਿਰਾਂ ਤੱਕ ਇੰਟਰਨੈੱਟ ਦੀ ਪਹੁੰਚ ਨੇ ਲੋਕਾਂ ਦੇ ਕੰਮ ਕਰਨ ਦੇ ਢੰਗ ਨੂੰ ਤੇ ਸੋਚ ਨੂੰ ਬਦਲ ਕੇ ਰੱਖ ਦਿੱਤਾ ਹੈ। ਔਨਲਾਈਨ ਬੈਂਕਿੰਗ, ਡਿਜ਼ੀਟਲ ਭੁਗਤਾਨ, ਈ-ਗਵਰਨੈਂਸ ਅਤੇ ਮੋਬਾਈਲ ਐਪ ਸੇਵਾਵਾਂ IT ਦੀ ਤਰੱਕੀ ਦੇ ਹੀ ਨਤੀਜੇ ਹਨ। ਉਨ੍ਹਾਂ ਕਿਹਾ ਕਿ ਭਾਰਤ ਹੁਣ ਤਕਨਾਲੋਜੀ ਦੇ ਖੇਤਰ ਵਿੱਚ ਦੁਨੀਆ ਦਾ ਇਕ ਮਹੱਤਵਪੂਰਨ ਕੇਂਦਰ ਬਣ ਰਿਹਾ ਹੈ ਅਤੇ ਭਵਿੱਖ ਵਿੱਚ IT ਸੈਕਟਰ ਸਭ ਤੋਂ ਵੱਧ ਰੁਜ਼ਗਾਰ ਪੈਦਾ ਕਰਨ ਵਾਲਾ ਖੇਤਰ ਹੋਵੇਗਾ।
ਉਨ੍ਹਾਂ ਕਿਹਾ ਕਿ ਕ੍ਰਿਤ੍ਰਿਮ ਬੁੱਧੀ (AI), ਸਾਇਬਰ ਸੁਰੱਖਿਆ, ਡਾਟਾ ਸਾਇੰਸ, ਮਸ਼ੀਨ ਲਰਨਿੰਗ, ਵੈੱਬ ਅਤੇ ਮੋਬਾਈਲ ਐਪ ਵਿਕਾਸ ਅਤੇ ਕਲਾਉਡ ਤਕਨਾਲੋਜੀ ਜਿਹੇ ਖੇਤਰਾਂ ਵਿੱਚ ਮਾਹਿਰ ਨੌਜਵਾਨਾਂ ਦੀ ਮੰਗ ਬੇਹੱਦ ਵੱਧ ਰਹੀ ਹੈ। ਜੇ ਨੌਜਵਾਨ ਅੱਜ ਤੋਂ ਇਹ ਤਕਨਾਲੋਜੀ ਹੁਨਰ ਸਿੱਖਣ ਲੱਗ ਜਾਣ ਤਾਂ ਭਵਿੱਖ ਉਨ੍ਹਾਂ ਲਈ ਬੇਇੰਤਿਹਾ ਮੌਕਿਆਂ ਨਾਲ ਭਰਿਆ ਹੋਇਆ ਹੈ।
ਇੰਜਨੀਅਰ ਸੰਦੀਪ ਕੁਮਾਰ ਨੇ CBA Infotech ਦੇ ਯੋਗਦਾਨ ਬਾਰੇ ਦੱਸਦਿਆਂ ਕਿਹਾ ਕਿ ਕੰਪਨੀ ਨੌਜਵਾਨਾਂ ਨੂੰ ਤਕਨਾਲੋਜੀ ਦੇ ਨਾਲ ਜੋੜਨ ਅਤੇ ਉਨ੍ਹਾਂ ਨੂੰ practical ਹੁਨਰ ਦੇਣ ਲਈ ਲਗਾਤਾਰ ਕੰਮ ਕਰ ਰਹੀ ਹੈ। ਕੰਪਨੀ ਵੱਲੋਂ ਸਾਫਟਵੇਅਰ ਵਿਕਾਸ, ਮੋਬਾਈਲ ਐਪ, ਵੈਬਸਾਈਟ ਡਿਵੈਲਪਮੈਂਟ, ਡਿਜ਼ੀਟਲ ਮਾਰਕੇਟਿੰਗ, HRM ਸਿਸਟਮ ਅਤੇ ਹੋਰ IT ਸੇਵਾਵਾਂ ਉੱਚ ਮਿਆਰੀ ਪੱਧਰ ’ਤੇ ਪ੍ਰਦਾਨ ਕੀਤੀਆਂ ਜਾ ਰਹੀਆਂ ਹਨ।
ਉਨ੍ਹਾਂ ਕਿਹਾ ਕਿ Artificial Intelligence ਅਤੇ Automation ਭਵਿੱਖ ਦੀ ਤਕਨਾਲੋਜੀ ਦੀ ਰੂਹ ਹਨ ਜੋ ਕਾਰੋਬਾਰਾਂ ਨੂੰ ਹੋਰ ਤੇਜ਼, ਸਸਤਾ ਅਤੇ ਪ੍ਰਭਾਵਸ਼ਾਲੀ ਬਣਾਉਣਗੀਆਂ। AI ਤੋਂ ਡਰਣ ਦੀ ਬਜਾਏ ਇਸਨੂੰ ਸਿੱਖਣਾ ਚਾਹੀਦਾ ਹੈ ਕਿਉਂਕਿ ਜੋ ਨਵੀਆਂ skills ਸਿੱਖੇਗਾ ਉਹੀ ਭਵਿੱਖ ਵਿੱਚ ਅੱਗੇ ਵਧੇਗਾ।
ਅੰਤ ਵਿੱਚ ਉਨ੍ਹਾਂ ਨੌਜਵਾਨਾਂ ਨੂੰ ਅਪੀਲ ਕੀਤੀ ਕਿ ਆਪਣੇ ਆਪ ਨੂੰ ਡਿਜ਼ੀਟਲ ਬਦਲਾਅ ਨਾਲ ਜੋੜੋ, ਨਵੀਆਂ ਤਕਨਾਲੋਜੀਆਂ ਅਤੇ ਹੁਨਰ ਸਿੱਖੋ ਅਤੇ IT ਨੂੰ ਭਵਿੱਖ ਦੀ ਸਭ ਤੋਂ ਵੱਡੀ ਤਾਕਤ ਸਮਝੋ। ਉਨ੍ਹਾਂ ਕਿਹਾ ਕਿ CBA Infotech ਦਾ ਵੀ ਇਹੀ ਟੀਚਾ ਹੈ ਕਿ ਪੰਜਾਬ ਅਤੇ ਭਾਰਤ ਦੇ ਨੌਜਵਾਨਾਂ ਨੂੰ IT ਦੇ ਖੇਤਰ ਵਿੱਚ ਅੱਗੇ ਲਿਆਂਦਾ ਜਾਵੇ ਅਤੇ ਉਨ੍ਹਾਂ ਨੂੰ ਇੱਕ ਮਜ਼ਬੂਤ ਭਵਿੱਖ ਲਈ ਤਿਆਰ ਕੀਤਾ ਜਾਵੇ।
